काठमाडौँ । रसुवामा भदौ १० गते आएको भीषण भोटेकोशी बाढीमा परी ज्यान गुमाएका नागरिकहरूको स्मरणमा आज नेपालले राष्ट्रिय शोक मनाउँदैछ। सरकारले मृतकप्रति सम्मान व्यक्त गर्न देशभरका सरकारी कार्यालयसहित विदेशस्थित नेपाली दूतावास र नियोगमा राष्ट्रिय झण्डा आधा झुकाउने व्यवस्था गरेको छ।
प्राधिकरणको पछिल्लो विवरणअनुसार बाढीमा परी १ हजार ३४२ जनाको मृत्यु भएको छ भने ४ हजार ९९६ जना बेपत्ता अर्थात् सम्पर्कविहीन छन्। बाढीका कारण ६ हजार ८३ जना घाइते भएका छन्।
विपद्पछि जारी खोज तथा उद्धार अभियानमा २१ हजार ४६५ सुरक्षाकर्मी परिचालन गरिएको छ। प्रभावित क्षेत्रबाट अहिलेसम्म १३ हजार ३९१ जनाको उद्धार गरिएको जनाइएको छ।
प्रकाशित: सोमबार, भाद्र २२, २०८३
सम्बन्धित खवर
